TINGNAN | Isang mainit na pagbati ang natanggap ni Steven Pormento, isa sa apat na topnotcher ng March 2023 Licensure Examination for Teachers (LET) mula kay Mayor Lorelie Geronimo Pacquiao at First Gentleman, former Congressman Bobby Pacquiao.
Nakakuha ng 90.40% rating si Pormento at pasok sa Top 10 ng Elementary Level.
Labis din na ikinatuwa ni Pormento ang pagbati sa kanya ng mag-asawang Pacquiao.
Miyembro kasi ng Bread and Wine band si Pormento na tumutugtog ng bass guitar.
Kasama siya ng bandang nagtanghal sa pagbubukas ng General Santos City Summer Youth Festival nitong May 20, 2023.
Produkto si Pormento ng Mindanao State University of General Santos City.
Bukod sa kanya, may tatlo pang topnotcher ang MSU-GSC.
Pasok din sa Top 10 si Sherijane Tamblik ng MSU-GSC na may 90.40% rating sa Elementary Level.
Samantalang Top 9 naman si Dalj Andrew Sonsona sa Elementary Level na may 90.60% rating.
At Top 8 naman sa Secondary Level si Joanne Naya na may 91.40% rating. Nagtapos siya ng Bachelor of Secondary Education Major in Biology sa MSU-GSC.
Samantalang ipina-aabot din ni Mayor Pacquiao sa lahat ng pumasa sa LET ang kanyang taospusong pagbati.